Restoran qarşısında 20-yə yaxın şəxs arasında dava düşüb - Saxlanılanlar var

Tbilisidə, Ketevan Dedopali prospektində, restoranlardan birində baş vermiş dava ilə bağlı Daxili İşlər Nazirliyi 4 nəfəri saxlayıb.

InterPress.ge xəbər verir ki, insidentlə bağlı 126-cı maddə, yəni qrup zorakılığı ilə bağlı istintaq başlayıb.

Xatırladırıq ki, “Stumari da maspindzeli” restoranında dava gecə saatlarında baş verib. Hadisə şahidlərinin sözlərinə görə, restoranın içərisində şifahi mübahisə başlayıb, daha sonra fiziki qarşıdurmaya çevrilib.

Yayılan videolarda fiziki qarşıdurmada 20-yə qədər insanın iştirak etdiyi görünür. Hadisə yerində bir neçə təcili tibbi yardım briqadası da olub. Yəqin ki, xəsarət alanlar da var.