Xarici ölkə vətəndaşlarına məxsus pulu dələduzluq yolu ilə əldə edən iki nəfər saxlanıldı

İstintaq xidmətinin əməkdaşları tərəfindən həyata keçirilmiş istintaq-əməliyyat tədbirləri nəticəsində mütəşəkkil dəstə tərəfindən dələduzluq yolu ilə külli miqdarda özgə əmlakını əldə etmək faktı üzrə 2 nəfər tutulub.

InterPress.ge xəbər verir ki, bu barədə Maliyyə Nazirliyinin İstintaq Xidməti məlumat yayıb.

İstintaqla müəyyən edilib ki, təqsirləndirilən şəxslər xarici ölkə vətəndaşına məxsus təqribən 340.000 larini cinayət yolu ilə ələ keçiriblər.

İstintaq zamanı təqsirləndirilən şəxslərin Tbilisidə yerləşən çağrı mərkəzində aparılan axtarış nəticəsində əcnəbi vətəndaşların şəxsi məlumatlarını ehtiva edən məlumatlar götürülüb.