Məktəblərdə terror olacağına dair yayılan yalan xəbərlərə DTX açıqlama verdi

Dövlət Təhlükəsizliyi Xidməti bildirir ki, məktəblərdən birinin ərazisində silah və ya bomba tapılması barədə məlumat həqiqətə uyğun deyil.

InterPress.ge-nin məlumatına görə, bir neçə məktəbdə hüquq-mühafizə orqanlarının əməkdaşları çalışsalar da, şübhəli heç nə aşkarlanmayıb.

Məlumat üçün bildirək ki, yeni yaradılmış rusdilli “Telegram” kanalında Tbilisi məktəblərində terror aktları törədilməsi ilə bağlı təhdid xarakterli məlumatlar yayılıb. Hazırda sözügedən kanal silinib.