Etiraz aksiyası bu gün Tbilisinin müxtəlif küçələrində davam edəcək

“Xarici təsirin şəffaflığı haqqında” qanun layihəsinə qarşı mitinq iştirakçıları Tbilisi küçələrində etiraz aksiyalarını davam etdirəcəklər.

InterPress.ge xəbər verir ki, birinci axın Birinci Gimnaziyadan, ikinci axın isə Tələbə Gənclər Sarayından başlayacaq.

Məlumata görə, Tbilisi küçələrində qeyri-zorakılıq hərəkatı başlayacaq.

"Bunlar gənclərimizi böyüdən iki mərkəzdir, biz gələcəyimizi qorumaq üçün bu mərkəzdə toplaşırıq”, - deyə Rati Amağlobeli bildirib.

Hazırda İnqoroğva küçəsinə doğru hərəkət edən etiraz qruplarından birinə Rati Amağlobeli və Eka Kvesitadze rəhbərlik edir.

Parlament “Xarici təsirin şəffaflığı haqqında” qanun layihəsini ikinci oxunuşda səsə qoyub və 23 əleyhinə 83 səslə dəstəkləyib.