Tbilisi meriyası İkinci Dünya Müharibəsi veteranlarına 2000 lari köçürüb

İkinci Dünya Müharibəsi veteranlarına 2000 lari, bu müharibədə həlak olanların ailə üzvlərinə isə 1000 lari verilib.

InterPress.ge xəbər verir ki, bu barədə Tbilisi meriyası məlumat yayıb.

Meriyanın məlumatına görə, Tbilisi meriyasının səhiyyə və sosial xidməti “Müharibə veteranlarına yardım” proqramı çərçivəsində Tbilisidə qeydiyyatda olan 70 nəfərə müvafiq məbləğ köçürüb.

“O cümlədən, 37 İkinci Dünya müharibəsi veteranı 20 00 lari, bu müharibədə həlak olanların 33 ailə üzvünə (dul arvadlar, əlillər) isə 1 000 lari verilib.
Tbilisi meriyası Veteranların İşləri üzrə Dövlət Xidmətinin təqdim etdiyi məlumat bazası əsasında həmin məbləği şəxsi bank hesabına köçürüb”, - məlumatda deyilir.