Gürcüstanda həbsdə olan Azərbaycan vətəndaşlarının sayı açıqlanıb

2020-ci ilin iyul ayına olan məlumata görə, Gürcüstanda 104 Azərbaycan vətəndaşı həbsdə saxlanılır.

InterPress.ge xəbər verir ki, bu barədə Gürcüstan Milli Statistika İdarəsinin hesabatında bildirilib.

Qeyd olunub ki, bu göstərici əvvəlki ayla müqayisədə 1 nəfər çoxdur. Həbs edilən Azərbaycan vətəndaşlarından 85-i kişi, 9-u qadındır.

Barələrində məhkəmə hökmü olmayan 10 Azərbaycan vətəndaşından isə 6-sı kişi, 4-ü qadındır.

Bundan başqa ölkədə 29 Azərbaycan vətəndaşı probasiya nəzarətində saxlanılır ki, onlardan 28-i kişi, 1-i qadındır.