Əcnəbilər Gürcüstanda cinayət törədərsə, ölkədən qovula və ya...

Əcnəbi tərəfindən cinayət törədildikdə, yeni cəza növü mövcud olacaq ki, ona görə də əcnəbi Gürcüstandan çıxarılacaq və müəyyən müddət ərzində Gürcüstana girişi qadağan ediləcək.

InterPress.ge xəbər verir ki, müvafiq dəyişikliklər Cinayət Məcəlləsinə daxil edilib.

Dəyişikliklər nəzərə alınmaqla, bu cəza həm əsas, həm də əlavə cəza kimi təyin edilə bilər. O cümlədən, layihəyə əsasən, az ağır cinayət törətdikdə əcnəbinin Gürcüstana girişi 2 ildən 10 ilədək, ağır və ya xüsusilə ağır cinayət törətdikdə isə 5 ildən 20 ilədək müddətə qadağan edilə bilər.

Dəyişikliklər yuxarıda qeyd olunanlardan əlavə, müəyyən hərəkətlərə görə cinayət məsuliyyəti də müəyyən edəcək.