ABŞ-ın federal məhkəməsi Donald Tramp tərəfindən tətbiq olunan tarifləri dayandırıb
ABŞ-ın federal məhkəməsi Donald Tramp tərəfindən tətbiq olunan tarifləri dayandırıb.
InterPress.ge xəbər verir ki, bu barədə CNN məlumat yayıb.
ABŞ-ın Beynəlxalq Ticarət Məhkəməsi qərara gəlib ki, ABŞ prezidenti Donald Tramp, 2 aprel tarixində elan etdiyi qlobal tariflərlə Beynəlxalq Fövqəladə İqtisadi Səlahiyyətlər Aktı (IEEPA) çərçivəsində öz səlahiyyətlərini aşmışdır.
Məhkəmənin qərarı, Tramp administrasiyasının Çin mallarına tətbiq etdiyi 30%-lik tarifləri, Meksika və Kanadadan idxal olunan bəzi mallara tətbiq etdiyi 25%-lik tarifləri və ABŞ-a idxal olunan mallara tətbiq olunan 10%-lik ümumi tarifləri dayandırır. Lakin avtomobillər, polad və alüminium üçün tətbiq olunan 25%-lik tariflər qüvvədə qalır.
Tramp administrasiyası ABŞ-ın Beynəlxalq Ticarət Məhkəməsinin qərarından artıq apellyasiya şikayəti verib.
Xatırladaq ki, ABŞ prezidenti 2 aprel tarixində dünyanın əksər ölkələrinə qarşı “cavab tariflərinin” tətbiqi barədə elan vermişdi. Lakin 9 aprel tarixində tariflərin qüvvəyə minməsi 90 gün müddətinə təxirə salınmışdı. Buna baxmayaraq, Donald Tramp ABŞ-a idxal olunan mallara tətbiq etdiyi 10%-lik ümumi tarifləri qüvvədə saxlamışdı.
