Tramp Elon Maskın hökumət işindən ayrılmasını təsdiqləyib

ABŞ Prezidenti Donald Tramp təsdiqləyib ki, bu cümə Elon Mask hökumət Effektivlik Departamentinin (DOGE) rəhbəri vəzifəsində sonuncu iş gününü keçirəcək.

InterPress.ge xəbər verir ki, bu barədə Tramp sosial şəbəkə Truth Social-də yazıb.

“İlon Maskla birlikdə Oval kabinetdə mətbuat konfransı keçirəcəyik. Bu onun sonuncu iş günü olacaq, amma əslində belə deyil, çünki o, həmişə bizimlə olacaq və hər cür kömək edəcək. İlon əladır!” - yazıb Tramp.

Qeyd edək ki, Elon Mask dünən açıqlama verərək hökumətdəki xüsusi vəzifəsinin müddətinin bitdiyini bildirib və Trampa, dövlətin qeyri-səmərəli xərclərinin azaldılmasına imkan yaratdığı üçün təşəkkür edib.