Rusiya və Ukrayna arasında birbaşa danışıqların ikinci mərhələsi bu gün İstanbulda keçiriləcək

Ukrayna nümayəndə heyətinə müdafiə naziri Rustem Umerov rəhbərlik edəcək. Zelenskinin sərəncamına əsasən, nümayəndə heyətində həmçinin xarici işlər nazirinin müavini, hərbi və kəşfiyyat xidmətlərinin rəsmiləri də yer alacaqlar.

InterPress.ge xəbər verir ki, bu barədə Ukrayna Prezidenti Volodimir Zelenski bildirib.

Rusiyanın dövlət mediasının məlumatına görə, Rusiya nümayəndə heyəti, hansı ki, prezidentin köməkçisi Vladimir Medinskiy tərəfindən idarə olunur, bazar günü axşam İstanbulda olub. Medinski bildirib ki, Moskva artıq Ukrayna tərəfindən təqdim olunmuş münaqişənin nizamlanması üzrə memorandum layihəsini qəbul edib və ona bazar ertəsi cavab verəcək.

Planlaşdırılan danışıqlardan bir gün əvvəl, bazar günü, Ukrayna Rusiyanın hərbi bazalarındakı bombardmançı təyyarələri hədəfə alaraq indiyədək ən böyük hücumu həyata keçirib. Rusiya isə cavab olaraq Ukrayna istiqamətinə 479 dron və raket buraxıb.

Xatırladaq ki, Ukrayna və Rusiya nümayəndə heyətləri arasında birbaşa danışıqların ilk raundu 16 may tarixində keçirilib. Həmin görüşdə tərəflər arasında “1000 1000-ə” prinsipi ilə genişmiqyaslı əsir mübadiləsi həyata keçirilib.