İran rəsmisi: Raket çatışmazlığımız yoxdur, bu, sadəcə taktika dəyişikliyidir

İranın İsrailə zərbə endirmək üçün raket çatışmazlığı yoxdur.

InterPress.ge xəbər verir ki, bu barədə İranın yüksək rütbəli rəsmisi CNN-ə bildirib.

Mənbə qeyd edib ki, İran İsrailə raket atılması strategiyasını dəyişərək, zərbələrin sayını deyil, keyfiyyətini əsas götürür. İndi çoxsaylı raket buraxılışları əvəzinə İsraildəki kritik hərbi və güc hədəflərinə qarşı müasir yüksək dəqiqlikli raketlərdən istifadə olunur.

İddia olunur ki, İran raketləri İsrailin THAAD raket əleyhinə müdafiə batareyaları, “Patriot” zenit-raket kompleksləri, "Xets-3" və "Xets-2" raket əleyhinə komplekslər, "Davud Sapandı" sistemi, "Dəmir Günbəz" sistemi vasitəsilə təmin edilən müdafiəsinə asanlıqla nüfuz edir.