Lelonun Bolnisi merliyinə namizədi Asəf Çıraqov namizədliyini geri götürüb və “Gürcü arzusu”nun namizədini tam dəstəklədiyini bildirib

“Lelo”nun merliyə namizədi Asəf Çıraqov Bolnisi merliyinə “Gürcü arzusu”nun namizədinin xeyrinə namizədliyini geri götürüb.

InterPress.ge xəbər verir ki, Asəf Çıraqov partiyanı da tərk edib.

O, “Gürcü arzusu”nun namizədini dəstəklədiyini bildirib və bunun əlaməti olaraq ofisə baş çəkib.

"İctimaiyyət, xüsusən də Bolnisi əhalisi yaxşı bilir ki, "Lelo” siyasi partiyası məni Bolnisi merliyinə namizəd kimi irəli sürüb. Mən bu təkliflə yalnız ona görə razılaşdım ki, öz imkanlarımdan doğma rayonuma qayğı göstərmək üçün həqiqətən də istifadə edim.

Təəssüf ki, tezliklə əmin oldum ki, konkret adamlar mənim resurslarımdan və səmimi istəyimdən öz siyasi maraqlarını təmin etmək üçün alət kimi istifadə etməyə çalışırlar. Digər tərəfdən, mən əmin oldum ki, “Gürcü Arzusu”nun namizədi cənab Zamuri Çitanava qələbə qazandıqdan sonra həqiqətən də Bolnisinin inkişafına, bələdiyyə əhalisinin mənafeyinin qorunmasına qayğı göstərəcək.

Ona görə də mən artıq cənab Zamuri ilə səsləri bölmək fikrində deyiləm və onun xeyrinə namizədliyimi geri götürmək qərarına gəldim.

İndi qətiyyən dava-dalaşların və mənasız siyasi qarşıdurmaların vaxtı deyil. İndi ən vacib olan sülhü və sabitliyi qorumaqdır ki, bu da inkişafın yeganə yoludur", - Çıraqov yazıb.