“Gürcü Arzusu” martda seçki keçirməyə hazırlaşır?

“Gürcü arzusu” martda növbədənkənar seçki keçirməyi planlaşdırdığını inkar edir.

InterPress.ge xəbər verir ki, söhbət “Güclü Gürcüstan” koalisiyası tərəfindən yayımlanan və “Gürcü Arzusu”nun martda seçki keçirmək niyyətində olduğu ifadənin səsləndiyi səs yazısından gedir.

Kaxa Kaladze məlumatı yalan adlandırır və seçkilərin yalnız 2028-ci ildə keçiriləcəyini bildirir.

Qia Volski növbədənkənar parlament seçkilərinin təyin edilməsi üçün heç bir ilkin şərtlərin olmadığını bəyan edib.

Müxalifətin “Güclü Gürcüstan” koalisiyası İvanişvilinin partiyasını regionlarda namizədlərə təzyiq və rüşvət verməkdə ittiham edir. İrakli Kupradzenin sözlərinə görə, prosesdə Bidzina İvanişvili, Kaxa Kaladze, DTX və onlarla əlaqəli bizneslər iştirak edir.

Koalisiya müxalifət namizədinin məcburi şəkildə kənarlaşdırılmasını təsdiqlədiklərini iddia etdikləri səs yazısını yayımlayıb. 

Səsyazmada erkən seçkilərin mart ayına təyin edildiyi ifadəsi də var.