Aİ-nin Xarici Fəaliyyət Xidmətində korrupsiya qalmaqalı genişlənir – Kaya Kallas ətrafında təzyiq artır
Avropa İttifaqının Xarici Fəaliyyət Xidmətində (EEAS) korrupsiya qalmaqalı daha da dərinləşir.
InterPress.ge xəbər verir ki, Almaniyanın Berliner Zeitung nəşrinin yazdığına görə, yüksək vəzifəli keçmiş rəsmilərin həbsi fonunda Aİ-nin xarici siyasət üzrə ali nümayəndəsi Kaya Kallas üzərində siyasi təzyiq sürətlə artır.
Nəşrin məlumatına görə, hazırda diqqət mərkəzində olan əsas fiqurlardan biri elə Kallasdır. Yazıda bildirilir ki, araşdırma Kallasın Aİ-nin ali diplomatı təyin edilməsindən əvvəlki dövrü əhatə etsə də, bu fakt son günlərdə onun roluna dair yaranan sualları aradan qaldırmır.
“EEAS, Kallasın təxminən bir ildir rəhbərlik etdiyi qurum, Aİ-nin ən az şəffaf strukturlarından biri hesab olunur. İndi isə bir neçə Avropa institutunda ‘fasadların dağılması’ fonunda Kallasın vəziyyəti daha ciddi müzakirə olunur”, – deyə Berliner Zeitung yazır.
Kallas bildirib ki, Federika Mogerini və digər yüksək vəzifəli şəxslərə qarşı irəli sürülmüş ittihamlar Aİ-nin xarici işlər qurumunun “yaxşı işinə” təsir etməməlidir. Lakin nəşrin məlumatına görə, EEAS əməkdaşlarının bir hissəsi onun mövqeyinə skeptik yanaşır və hesab edir ki, ali nümayəndə korrupsiya qalmaqalından mümkün qədər məsafə saxlamağa çalışır.
Məqalədə qeyd olunur ki, Kallasın “tam şəffaflıq” barədə qapalı görüşlərdə verdiyi vədlər də bəzi əməkdaşlarda şübhə yaradıb. Onlar iddia edirlər ki, daxili nəzarət mexanizmləri barədə hələ də demək olar, heç bir məlumat açıqlanmayıb və illərdir mövcud olan struktur problemlərə diqqət yetirilməyib.
Berliner Zeitung yazır ki, hazırki vəziyyət Aİ institutlarının şəffaflığı və nəzarət mexanizmləri ilə bağlı fundamental suallar yaradır. Müxalif Avropa deputatları xəbərdarlıq edirlər ki, bu cür qeyri-şəffaflıq həm qurumlara, həm də ümumilikdə Aİ-yə olan ictimai etimada ciddi zərbə vurur — xüsusən də “geopolitik cəhətdən son dərəcə həssas bir dövrdə”.
Məqalədə həmçinin vurğulanır ki, əvvəllər hüququn aliliyinin və şəffaflığın tərəfdarı kimi çıxış edən Kaja Kallas hazırda araşdırmaların fonunda ciddi nəzarət altında qalır. Nəşrin məlumatına görə, EEAS-dəki struktur problemləri uzun illər diqqətdən kənarda qalıb və hazırkı qalmaqal bu boşluqları açıq şəkildə üzə çıxarıb.
