9 aprel faciəsinin 37-ci ildönümü: Gürcüstan müstəqilliyə aparan yolun ağrılı yaddaşı

1989-cu ilin 9 aprel faciəsindən 37 il ötür.

InterPress.ge xəbər verir ki, 1989-cu il aprelin 9-da səhər tezdən Sovet İttifaqının silahlı qüvvələri Tbilisinin mərkəzində, parlament binası qarşısında keçirilən dinc etiraz aksiyasını zorakılıqla dağıdıblar.

Hadisə nəticəsində 21 nəfər həyatını itirib, parlament qarşısına toplaşan minlərlə vətəndaş isə naməlum tərkibli qazdan zəhərlənib.

Bu faciə Gürcüstanın müasir tarixində dönüş nöqtəsi hesab olunur. Hadisədən iki il sonra – 1991-ci ilin 9 aprel tarixində ölkənin o zamankı Ali Soveti həmin günü Gürcüstanın dövlət müstəqilliyinin bərpası günü elan edib.

9 aprel hadisələri bu gün də Gürcüstanda azadlıq və müstəqillik uğrunda mübarizənin simvolu kimi xatırlanır.