“İqtisadiyyatın güclənməsi üçün şəraiti hakimiyyət yaradır, lakin iqtisadiyyatı siz – biznes nümayəndələri formalaşdırırsınız. Buna görə də hakimiyyətlə biznes arasında daimi dialoqun olması son dərəcə vacibdir”.
InterPress.ge xəbər verir ki, bunu Gürcüstanın Baş naziri İrakli Kobaxidze Biznes Assosiasiyasının “Gürcüstanda biznes mühiti: hökumətlə biznes arasında dialoq” adlı konfransında çıxışı zamanı bildirib.
Baş nazir ölkə iqtisadiyyatının inkişafına verdikləri töhfəyə görə iş adamlarına və sahibkarlara təşəkkür edib.
“İqtisadiyyatın inkişafı və biznes üçün daha əlverişli şəraitin yaradılması ilə bağlı sizin fikirlərinizi və tövsiyələrinizi dinləmək bizim üçün son dərəcə vacibdir. Buna görə də gələcəkdə də sizinlə işgüzar dialoqu davam etdirməyə hazır olduğumuzu bildiririk.
Ölkənin sürətli iqtisadi inkişafı məhz birgə səylərimizin nəticəsidir. Qlobal miqyasda son dərəcə mürəkkəb çağırışların və kifayət qədər mənfi tendensiyaların mövcud olmasına baxmayaraq, birgə səylərimiz və əməkdaşlığımız nəticəsində sürətli iqtisadi inkişaf tempini qoruyub saxlaya bilirik.
Fürsətdən istifadə edərək hər birinizə – bütün iş adamlarına və sahibkarlara ölkəmizin, eləcə də iqtisadiyyatımızın inkişafına verdiyiniz töhfəyə görə təşəkkür edirəm”, – deyə İrakli Kobaxidze bildirib.
