300 lari yardımla bağlı açıqlama

300 lari yardım üçün təqdim olunan ilkin məlumatların yoxlanılması bu gün, 28 dekabrda başa çatacaq.

InterPress.ge xəbər verir ki, bu barədə Gəlirlər Xidməti məlumat verib.

“Həm Tbilisidə, həm də bölgələrdə Gəlirlər Xidməti Mərkəzinin əməkdaşları müraciətlərin qeydiyyatı prosesində vətəndaşlara fəal şəkildə kömək edir. Bundan əlavə, müştəri Məlumat Çağrı Mərkəzi 2 299 299 ilə əlaqə saxlayaraq vacib suallara cavab ala bilər.

Yüksək məsuliyyət göstərən və məlumatları tam şəkildə təqdim edən şirkətlərə təşəkkür edirik",- deyə məlumatda bildirilib.

Məlumata görə, hazırda Gəlirlər Xidmətinin elektron məlumat bazasında 121 647 müraciət qeydə alınıb.