Bizimlə əlaqəHaqqımızda—
Ən son:
TVCANLI

Gürcüstan parlamentində azərbaycanlı deputatların sayı azalacaq?

2,769
Gürcüstan parlamentində azərbaycanlı deputatların sayı azalacaq?
Dinləmək üçün basın

Gürcüstan Konstitusiyasına seçki sistemi ilə bağlı təklif olunan dəyişikliklərdə Kvemo Kartli bölgəsindəki majoritar seçki dairələrinin yeni sərhədləri müəyyənləşib.

Gürcüstan Konstitusiyasına seçki sistemi ilə bağlı təklif olunan dəyişikliklərdə Kvemo Kartli bölgəsindəki majoritar seçki dairələrinin yeni sərhədləri müəyyənləşib.

InterPress.ge xəbər verir ki, qanun layihəsinə əsasən, Marneuli və Qardabani üzrə bir majoritar seçki dairəsi olacaq.

Bununla yanaşı, Rustavi şəhəri və Qardabani rayonunun bəzi kəndləri bir majoritar seçki dairəsində birləşdiriləcək. Bolnisi, Dmanisi, Tsalka və Tetritskaro rayonları üzrə də bir majoritar dairə yaradılacaq.

Bu dəyişikliklər Gürcüstan azərbaycanlıları arasında müəyyən narahatlıqlar və şübhələr doğurub. Onların əksəriyyəti hesab edir ki, bu, Gürcüstan parlamentində azərbaycanlıları təmsil edən deputatların sayının azalmasına gətirib çıxaracaq.

Məsələyə münasibət bildirən Gürcüstanın Azərbaycanlı Hüquqşünaslar Assosiasiyasının təsisçisi Əli Bədirov “Report”un yerli bürosuna bildirib ki, proporsional mandatların sayının artırılması alqışlanmalıdır. “Yeni seçki sisteminə əsasən, 120 deputatın proporsional sistem üzrə seçilməsi nəzərdə tutulub. Majoritar qaydada seçiləcək deputatların sayı isə 30-a qədər azaldılıb. Marneuli və Qardabani rayonlarının bir majoritar dairədə birləşdirilməsi ilə bağlı narahatlığa ehtiyac yoxdur. Əsas odur ki, proporsional siyahıda azərbaycanlı namizədlərin sayı çox olsun və onlar ön yerlərdə irəli sürülsün”.

Hüquq müdafiəçisi qeyd edib ki, Gürcüstanda milli azlıqlar arasında sayına görə azərbaycanlılar birinci yeri tutur: “Buna görə də, qanunverici orqanda azərbaycanlıları təmsil edən deputatlar çox olmalıdır”.

Qeyd edək ki, seçki sistemi ilə bağlı qanun layihəsi ötən gün Gürcüstan parlamentinə təqdim olunub.

Hazırda Gürcüstan parlamentində Marneuli və Qardabani rayonlarından majoritar qaydada seçilmiş dörd azərbaycanlı deputat təmsil olunur.

Xəbəri qiymətləndir
Məqalənin müəllifiInterPress

Son xəbərlər

Aİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirGASU “AGORA” adlı yeni beynəlxalq tələbə layihəsinə start veribSon xəbərlərə bax →