Gürcüstan Müdafiə Nazirliyi distant iş rejiminə keçib

Gürcüstan Müdafiə Nazirliyi koronavirusla mübarizə tədbirləri çərçivəsində distant iş rejiminə keçib.

InterPress.ge-nin xəbərinə görə, bu barədə nazirliyin mətbuat xidməti məlumat yayıb.

Məlumata əsasən, martın 12-dən etibarən qurumun əməkdaşları evdən işləyə biləcəklər.

Eyni qərara əsasən, özü və ya ailə üzvlərindən son iki həftə ərzində xaricdə olan şəxslər, xaricdən gələn şəxslərlə əlaqədə olanlar, qripəbənzər simptomları olanlar, hamilə qadınlar və xronik xəstələrin də işləməsi qadağan edilib.