“Bavariya” yeni transferin anonsunu verdi

“Bavariya”nın idman direktoru Həsən Salihəmidciç “Leypsiq” klubunun müdafiəçisi Dayo Upamekanonun transferinin razılaşdırıldığını bildirib.

InterPress.ge portalının məlumatına görə, Münhen klubunun rəsmisi bunu “Bild” nəşrinə müsahibəsi zamanı bəyan edib.

“Bəli, mən bu xəbəri təsdiq edə bilərəm. Biz çox şadıq. Bir neçə ay ərzində Dayo və onun agenti ilə çox yaxşı, intensiv və peşəkar danışıqlarımız oldu”, - deyə Salihəmidciç bildirib.

Qeyd edək ki, Upamekano ilə beş illik müqavilə imzalanacaq. Futbolçu üçün “Leypsiq”ə 42.5 milyon avro ödəniləcək.