Rustavidə intihara hazırlaşan şəxs xilas edildi - VİDEO

Rustavidə polis intihara hazırlaşan kişini xilas edib.

InterPress.ge xəbər verir ki, 40 yaşlı kişi Mərkəzi Körpü bəndinin o biri tərəfinə keçib Kürə atlamağa hazırlaşırdı.

Hüquq-mühafizə orqanları, demək olar ki, yarım saat davam edən danışıqlardan sonra həmin şəxsi razı salıblar və onu bənddən çıxardıblar.

Məlumata görə, kişi ailə problemləri səbəbindən körpüdən tullanacaqdı və polisə son bir neçə ayda görmədiyi övladı ilə görüşmək istəyini bildirib.

Bir neçə təcili yardım, xilasetmə, patrul və kriminal polis qrupları hadisə yerində idi.