Qardabanidə baş verən partlayışla bağlı istintaq başladıldı

Qardabanidə 3 nömrəli məktəb yaxınlığında baş verən partlayışla bağlı istintaq başladıldı.

Bu barədə InterPress.ge-yə Daxili İşlər Nazirliyindən məlumat verilib.

Verilən məlumata görə, istintaq Gürcüstan Cinayət Məcəlləsinin partlayışı nəzərdə tutan 229-cu maddəsi ilə başladılıb.

Əldə etdiyimiz məlumata görə, partlayış nəticəsində iki azyaşlı qardaş yaralanıb.

Yaralı yeniyetmələr təcili yardım briqadası tərəfindən "Geohospital" klinikasına aparılıb. Onlardan biri aldığı ağır xəsarətlər nəticəsində dünyasını dəyişib, digərinin vəziyyəti nisbətən yüngüldür.