Maliyyə naziri istefası ilə bağlı açıqlama verdi
Gürcüstanın Maliyyə naziri İvane Maçavariani istefa etməsi barədə sosial şəbəkədə açıqlama yayıb.
InterPress.ge xəbər verir ki, açıqlamada deyilir:
"Beynəlxalq Valyuta Fondu missiyası ilə "Genişləndirilmiş Maliyyələşdirmə Mexanizmi" nin dəstəklədiyi proqramın səkkizinci icmalınada danışıqları uğurla başa vurduq. Fondun idarə direktorlarının iclasında təsdiq olunduqdan sonra Gürcüstan üçün əlavə maliyyə mənbələri mövcud olacaq.
Gürcüstan, qlobal pandemiyanın başlamasından qısa müddət sonra tərəfdaşlardan (Dünya Bankı, Beynəlxalq Valyuta Fondu, AB) əhəmiyyətli dəstək alan ilk ölkələrdən biridir. Xüsusilə fəxr edirəm ki, bu danışıqlarda fəal iştirak etmək imkanım oldu.
Baş nazirin müavini və maliyyə naziri vəzifəsindən istefa qərarım barədə sizə məlumat vermək istəyirəm. Təxminən üç il Maliyyə Naziri olduqdan sonra hələ keçən ilin sonunda istefa etməyi düşünürdüm, lakin 2021-ci il böhran büdcəsinin təsdiqlənməsi proseduru və proqramı tamamlamaq üçün Beynəlxalq Valyuta Fondu ilə apardığımız vacib danışıqlar səbəbindən bu qərarı bir neçə aya təxirə salmağı qərara aldım.
"Gürcü Arzusu" siyasi komandası ilə, hökumət rəhbərləri ilə, Nazirlər Kabinetindəki həmkarlarımla, millət vəkilləri ilə işləmək mənim üçün şərəf və eyni zamanda böyük məsuliyyət idi.
Baş nazirə və hökumət üzvlərinə, eləcə də "Gürcü Arzusu - Demokratik Gürcüstan" siyasi birliyinə ölkəmizin bu gün qarşılaşdığı bütün çətinliklərin öhdəsindən gəlməsində uğurlar arzulayıram. Bu qədər çətin bir dövrdə birlikdə çalışdıqları və koordinasiyalı işləri üçün onlara təşəkkür edirəm.
Fürsətdən istifadə edərək tərəfdaşlarımıza - beynəlxalq maliyyə qurumlarına, donor təşkilatların rəhbərlərinə, onların regional nümayəndəliklərinə, Gürcüstandakı diplomatik korpuslarına təşəkkür etmək istəyirəm. Pandemiyaya cavab olaraq, onların dəstəyi ilə pandemiya ilə mübarizə aparmaq üçün kifayət qədər böyük miqdarda vəsait tapa bildik. Ölkəmizin inkişafı üçün onlarla gündəlik praktik olaraq işləmək fürsətinin verilməsi mənim üçün xoş idi.
Maliyyə Nazirliyinin mükəmməl kollektivinə əməkdaşlıqlarına görə təşəkkür edirəm. Yüksək səriştəsi, yaxşı niyyəti və işə sadiqliyi ilə seçilən bir komandaya.
Maliyyə Nazirliyinin Mərkəzi Aparatının, Gəlirlər və İstintaq Xidmətlərinin, Maliyyə Nazirliyinin Akademiyasının, Xəzinədarlıq və Maliyyə-Analitik Mühasibatın, Hesabat və Audit Xidmətlərinin hər bir işçisinə təşəkkür edirəm.
Sizinlə işlədiyim üçün qürur duyuram", - yazıb İvane Maçavariani.
