Gürcüstanda koronavirusa yoluxan insanların sayı kritik şəkildə artdı

Gürcüstanda yeni növ koronavirusa (COVID-19) son 24 saat ərzində 1 374 yeni yoluxma halı qeydə alınıb.

InterPress.ge-nin xəbərinə görə, bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında bildirilib.

Bununla da ölkədə virusa yoluxanların sayı 290 129 nəfərə çatıb.

Sağalanların sayına gəldikdə isə, ölkədə son 24 saat ərzində 422 sağalma qeydə alınaraq ümumi sağalanların sayı 278 251 nəfər təşkil edib.

Eyni zamanda bildirilir ki, bu gün koronavirusdan daha 11 nəfər ölüb və ölənlərin ümumi sayı 3 894 nəfər təşkil edib.

Qeyd edək ki, son 24 saat ərzində 37 524 test aparılmışdır. Bunlardan 28 078-i sürətli antigen testi, 9 446-ı isə PCR testidir.