Orta yaşlı kişi güllələnərək öldürüldü

Qoridə 41 yaşlı kişi odlu silahla öldürülüb.

InterPress.ge xəbər verir ki, cinayət Verxvebi qəsəbəsində baş verib.

Yaralı xəstəxanaya aparılıb, lakin onu xilas etmək mümkün olmayıb.

“Klinikaya daxil olan zaman xəstənin vəziyyəti ağır idi. Güllə yarası var idi. Gətiriləndən qısa müddət sonra ürəyi dayandı, reanimasiya tədbirləri dərhal başladı, ürəyinin fəaliyyəti bərpa olundu, ancaq reanimasiya tədbirləri zamanı bioloji ölüm müşahidə edildi", - "Qormedi" klinikasının cərrahi şöbə müdiri Merab Maisuradze dedi.

Hüquq-mühafizə orqanları hadisə yerinə cəlb olunub.