Dörd avtomobil bir-biri ilə toqquşdu - Yaralılar var

Qori-Erqneti magistral yolunun Karaleti hissəsində baş verən yol qəzası nəticəsində bir neçə nəfər yüngül xəsarət alıb.

InterPress.ge xəbər verir ki,yaralılardan 50 yaşlı kişi təcili yardım qrupu tərəfindən xəstəxanaya aparılıb.

Qormedi Klinikasının cərrahiyyə şöbəsinin müdiri Merab Maisuradzenin verdiyi məlumata görə, göyərmə və beyin silkələnməsindən əziyyət çəkən xəstə cərrahiyyə şöbəsinə yerləşdirilib və burada stasionar müalicə alır.

Qəza Karaleti kəndi yaxınlığında baş verib, dörd avtomobil bir-biri ilə toqquşub. Daxili İşlər Nazirliyindən verilən məlumata görə, istintaq Gürcüstan Cinayət Məcəlləsinin 276-cı maddəsinin 2-ci hissəsi ilə başladılıb.