Tbilisidə ağır yol qəzasında ölənlərin sayı artdı

Tbilisidə Krcanisi küçəsində baş verən yol qəzası nəticəsində ölənlərin sayı artıb.

InterPress.ge xəbər verir ki, bu barədə “New Hospital” klinikasından məlumat verilib.

Məlumata görə, hadisə yerindən klinikaya aparılan şəxs dünyasını dəyişib. Orta yaşlı kişinin sağlamlıq vəziyyəti kritik idi. Biri azyaşlı olmaqla digər 3 yaralı bu günədək klinikada müalicə olunur.

Xatırladaq ki, yük maşınının sürücüsü sükanını çevirə bilməyib 4 avtomobil ilə toqquşaraq "New Hospital" klinikasının həyətinə düşmüşdü, nəticədə yük maşınının sürücüsü hadisə yerindəcə, 32 yaşlı kişi isə klinikaya aparıldıqdan sonra dünyasını dəyişib.