Oliver Varhei: "Avropa Birliyi Gürcüstanın yanındadır, yeni bir mərhələdə işə başlaya bilərik"

"Avropa Birliyi Gürcüstanın yanındadır. Keçən il sizə kömək etdiyimiz üçün qürur duyuruq. Ölkəyə 400 min iş yerinin qorunmasında kömək etdik, Gürcüstanda 78 min ailəni dəstəklədik və ölkəyə intensiv reanimasiya şöbələrinin gücləndirilməsində kömək etdik".

InterPress.ge xəbər verir ki, bu barədə Avropa Qonşuluq Siyasəti və Genişləmə Məsələləri Komissarı Oliver Varhei açıqlama verib.

Varhein Gürcüstanın Baş naziri İrakli Ğaribaşvili ilə birgə keçirdiyi mətbuat konfransında bildirdiyinə görə, Gürcüstan Avropa Birliyindən yardım almağa davam edəcək.

“Tbilisidə olduğum üçün çox xoşbəxtəm. Gözəl ölkənizə və bölgənizə ilk səfərimdir. Etiraf edim ki, Gürcüstanın Avropa Birliyi ilə tərəfdaşlığı məni imtiyazlı hiss etdirdi. Son bir il hamımız üçün olduqca çətin oldu, pandemiya ilə mübarizə aparırıq, Gürcüstan siyasi qütbləşmə mərhələsini keçdi və siyasi böhranla üzləşdi. Ölkəyə bu çətinlikləri həll etməkdə kömək etdik, ümid edirik ki, bu problemlər keçmişdə qaldı və indi diqqətimizi kovidə, iqtisadi vəziyyətdən çıxmağa yönəldə bilərik. Avropa Birliyi Gürcüstanın yanındadır. Keçən il sizə kömək etdiyimiz üçün qürur duyuruq. Ölkəyə 400 min iş yerinin qorunmasına kömək etdik, Gürcüstanda 78 min ailəni dəstəklədik və ölkəyə intensiv reanimasiya şöbələrinin gücləndirilməsində kömək etdik. Ümid edirəm ki, bu dünəndə qaldı və indi yeni bir mərhələdə işə başlaya və bu böhranın nəticələrini dəf edə bilərik", - bildirib Varhei.