Gürcüstanın bəzi bölgələrində iyulun 14-dək yağış yağacağı gözlənilir

İyulun 14-dək Gürcüstanın bəzi bölgələrində qısamüddətli yağış yağacağı və şimşək çaxacağı gözlənilir.

InterPress.ge xəbər verir ki, bu barədə Milli Ətraf Mühit Agentliyindən məlumat verilib.

Qərbi Gürcüstan ovalıqlarda havanın temperaturu gün ərzində +30, +35 dərəcə olacaq, 9-10 iyul tarixlərində Şərqi Gürcüstanın aran bölgələrində nisbətən sərin hava şəraitinin olacağı (+23, +28 dərəcə), sonrakı günlərdə isə 4-5 dərəcə artacağı gözlənilir.

Tbilisidə qısamüddətli yağış yağacağı gözlənilir. Havanın temperaturu 9-10 iyul tarixlərində +25, +27 dərəcə olacaq və +33, +35 dərəcəyə qədər yüksələcək.