Şarl Mişel 19 iyulda Salome Zurabişvili və Irakli Ğaribaşvili ilə görüşəcək

Avropa Şurasının Prezidenti Şarl Mişel 19 iyulda Batumidə Gürcüstan Prezidenti Salome Zurabişvili və Baş nazir İrakli Ğaribaşvili ilə görüşəcək.

InterPress.ge xəbər verir ki, Şarl Mişelin cədvəli Avropa Şurasının rəsmi saytında yayımlanıb.

19 iyulda Şarl Mişel Batum Beynəlxalq Konfransında çıxış edəcək.

Bundan əlavə, Avropa Şurasının Prezidenti Moldova Prezidenti Maia Sandu və Ukrayna Prezidenti Vladimir Zelenski ilə görüşəcək.

Elə həmin gün Şarl Mişelin Gürcüstan, Moldova və Ukrayna Prezidentləri ilə ortaq görüşü planlaşdırılır və bundan sonra mətbuat üçün konfrans keçiriləcək.

Xatırladaq ki, Gürcüstana səfərindən əvvəl Avropa Şurasının Prezidenti Şarl Mişel Ermənistana və Azərbaycana gedəcək.