İsveç vətəndaşından külli miqdarda pul mənimsədiyi və qanunsuz gəliri leqallaşdırdığı üçün 3 Gürcüstan vətəndaşı saxlanıldı

Gürcüstan Baş Prokurorluğu, İsveç Krallığının bir vətəndaşından külli miqdarda pul mənimsədiyi və qanunsuz gəliri leqallaşdırdığı üçün üç Gürcüstan vətəndaşını saxlayıb.

InterPress.ge xəbər verir ki, bu barədə Gürcüstanın Baş Prokurorluğu tərəfindən yayılan açıqlamada bildirilir.

İstintaq müəyyən edib ki, qeyri-rezident bir şəxsin pul vəsaitlərini dələduzluq yolu ilə mənimsəmək üçün A.Ç., Britaniyanın Virgin Adalarında qeyri-rezident müəssisə yaradıb, onun adı ilə Çex Respublikasında fəaliyyət göstərən bank təşkilatında bank hesabı açıb.

"A.Ç., Z.D. və T.C. cinayət qrupunun üzvləri vasitəsi ilə, keçmişdə itirdiyi hissələrin qaytarılması prosesində kömək etmək məqsədilə İsveç Krallığı vətəndaşı ilə telefon əlaqəsi qurub və Çex Respublikasında A.Ç. tərəfindən qurulan qeyri-rezident bir müəssisənin bank hesabına ümumilikdə 73 000 avro (226 947.5 lari) köçürtdürüblər və bu məbləği qanunsuz olaraq mənimsəyiblər.

Daha sonra, cinayətdən əldə olunan gəlirlərin bir hissəsini leqallaşdırmaq üçün aralarında bölüblər və qeyri-rezident müəssisənin bank hesabından Gürcüstana, A.Ç., T.C. və əlaqəli bir şəxsin bank hesabına köçürüblər.

Bu hərəkətlərlə A.Ç., Z.D. və T.C ümumilikdə 48.900 avro (151.416.9 GEL) qanunsuz gəliri leqallaşdırıblar.

A.Ç., Z.D. və T.Ç. Gürcüstan Cinayət Məcəlləsinin 180-ci maddəsinin 2-ci hissəsinin “a”, 3-cü hissəsinin “b” və 194-cü maddənin ikinci hissəsinin "a" və 3-cü hissəsinin "q" yarımbəndi ilə ittiham olunub ki, bu da 9 ildən 12 ilə qədər həbs cəzası nəzərdə tutur.

Prokurorluq artıq təqsirləndirilən şəxsə həbs qətimkan tədbiri seçilməsi barədə məhkəməyə müraciət edib.

Gürcüstan Baş Prokurorluğu cinayətkar qrupun üzvlərini, habelə oxşar fəaliyyət göstərən digər fiziki və ya hüquqi şəxsləri müəyyənləşdirmək və ifşa etmək məqsədi ilə istintaqı davam etdirir", - deyə məlumatda qeyd olunub.