Tbilisi hava limanında evakuasiya baş verib

Tbilisi Beynəlxalq Hava Limanında dünən axşam saatlarında təxliyə elan edilib.

InterPress.ge xəbər verir ki, evakuasiya anonsuna səbəb hava limanının gediş terminalında tərk edilmiş bir çantanın tapılması olub.

Hüquq -mühafizə orqanları hadisə yerinə cəlb olunub.

Daxili İşlər Nazirliyindən bildirildiyinə görə, yoxlama nəticəsində heç bir şübhəli əşya tapılmayıb və hava limanı əvvəlki rejimdə fəaliyyətini davam etdirib.

"Tbilisi Beynəlxalq Hava Limanının ərazisində çanta tapıldı.Təhlükəsizlik baxımından hava limanında olan insanlar təxliyə edildi. Yoxlama zamanı heç bir şübhəli əşya tapılmadı. Hazırda Tbilisi Beynəlxalq Hava Limanı adi qaydada fəaliyyətini davam etdirir", - Daxili İşlər Nazirliyindən bildirilib.