Gürcüstan istiqamətində daha bir yeni hava yolu şirkəti fəaliyyətə başlayacaq

Bu il Gürcüstan istiqamətində daha bir yeni hava yolu şirkəti fəaliyyətə başlayacaq. Livan hava yolu şirkəti Middle East Airlines (MEA) Beyrut-Tbilisi-Beyrut marşrutu üzrə çarter uçuşları həyata keçirəcək.

InterPress.ge xəbər verir ki, bu barədə məlumatı Mülki Aviasiya Agentliyi yayıb.

Aviaşirkətin Mülki Aviasiya Agentliyinə təqdim etdiyi uçuş müraciətinə əsasən, Gürcüstan və Livan Respublikasının paytaxtları arasında uçuşlar 31 iyul - 18 sentyabr tarixlərində həftədə bir dəfə (şənbə günü) Airbus A320 təyyarəsi ilə həyata keçiriləcək.

"Gürcüstan İqtisadiyyat və Davamlı İnkişaf Nazirliyinin Mülki Aviasiya Agentliyi iyulun 30 -da aviaşirkətə bu istiqamətdə fəaliyyət göstərməyə icazə verdi", - agentlikdən bildirilib.