Gürcüstanda yenidən məhdudiyyətlər tətbiq edilə bilər - AÇIQLAMA

"Ümid edirəm ki, klinik sektor, Səhiyyə Nazirliyi xəstələri bu çox çətin epidemiya vəziyyətində idarə etməyi bacara biləcək".

InterPress.ge xəbər verir ki, bunu Tbilisi Yolxucu Xəstəliklər Xəstəxanasının direktoru Tenqiz Çerçvadze deyib.

Əks təqdirdə, Çerçvadze məhdudiyyətlərin tətbiq ediləcəyini istisna etməyib.

"Bu gün 5400 xəstəxanaya yerləşdirilmiş xəstəmiz var. Rəqəm çox böyükdür, nazirlik daha 1000 ağır xəstəni qəbul etmək imkanına malik olduğunu söyləyir, ancaq klinik sektorun böyük itkilər olmadan idarə edə bilməyəcəyi bir vaxt gələcək. Belə bir vəziyyətdə ölkə məhdudiyyətlər haqqında düşünməli olacaq. Həqiqətən bu günün gəlməsini istəmirəm. Ümid edirəm ki, klinik sektor, Səhiyyə Nazirliyi xəstələri bu çox çətin epidemiya vəziyyətində idarə edə biləcək və ölüm nisbətini bu günkü kimi aşağı səviyyədə saxlayacaq", - bildirib Çerçvadze.