Çerçvadze: "Tarazılıq yenidən pozula və vəziyyət çətin idarə oluna bilər"

"İctimaiyyət epidemiya vəziyyətinə uyğun təhlükənin fərqində deyil".

InterPress.ge xəbər verir ki, bunu Tbilisi Yolxucu Xəstəliklər Xəstəxanasının direktoru Tenqiz Çerçvadze deyib.

O bildirib ki, ölkədə vəziyyətin sabit qalacağına zəmanət yoxdur. Çerçvadze əhalini peyvənd olunmağa çağırıb.

"İctimaiyyət, mövcud vəziyyətin sabit qalacağına zəmanət olmadığı təhlükəsinin fərqində deyil. Tarazılıq yenidən pozula və vəziyyət çətin idarə oluna bilər. Bunu hamı nəzərində saxlamalıdır. Maskalardan istifadə edək, izdihamlı yığıncaqlardan çəkinək və peyvənd, peyvənd, peyvənd", - Tenqiz Çerçvadze deyib.