Rusiya tərəfdən Gürcüstanla münasibətlərin normallaşması ilə bağlı açıqlama verildi

"Gürcüstan tərəfi buna hazır olduğu müddətcə ölkələrimiz arasındakı münasibətləri bərpa etməyə hazırıq".

InterPress.ge xəbər verir ki, bunu Rusiya Xarici İşlər Nazirliyinin İnformasiya və Mətbuat Departamentinin direktor müavini Aleksandr Bikantov deyib.

Xarici İşlər Nazirliyi nümayəndəsinin sözlərinə görə, rəsmi Moskva gürcü tərəfdaşlarının sağlam düşüncəsinə ümid edir.

“Rusiya heç vaxt Mixail Saakaşvilinin cinayətkar rejimini gürcü milləti ilə eyniləşdirməyib.

Ümid edirik ki, sağlam düşüncə qalib gələcək və gürcü tərəfdaşlarımız maraqlar balansını nəzərə alaraq qonşuları ilə münasibət qurmağa başlayacaqlar", - Bikantov bildirib.