Gürcüstanda restoran sahibi toy keçirilməsinə icazə verdiyi üçün cərimələndi

Tbilisinin Qldani rayonunda restoranlardan birində aparılan monitorinqlər nəticəsində Əmək Müfəttişliyinin müvafiq xidməti tərəfindən qadağan edilmiş ictimai tədbir (toy) aşkar edib.

InterPress.ge xəbər verir ki, bu barədə məlumatı Əmək Müfəttişliyi Xidməti yayıb.

Toy restoranda qeyd edildiyinə görə, hüquqi şəxs 10 min lari məbləğində cərimələnib.

Əmək Müfəttişliyi Xidmətindən verilən məlumata görə, müvafiq fərmana əsasən, fiziki şəxs qadağan olunmuş fəaliyyətlə məşğul olduğu halda 2000 lari, hüquqi şəxs üçün isə 10.000 lari məbləğində cərimə olunacaq.