Marneulidə zəncirvari qəza baş verdi

Marneulinin Şulaver qəsəbəsində zəncirvari avtomobil qəzası baş verib.

InterPress.ge xəbər verir ki, iki Mersedes və bir Fort markalı avtomobil bir-biri ilə toqquşub.

Qəza nəticəsində xoşbəxtlikdən xəsarət alan olmayıb.

Şahidlərin verdiyi məlumata görə, Mersedes markalı avtomobillərdən biri yolu dönmək üçün saxlayıb, daha sonra onun arxasınca gələn digər Mersedes markalı avtomobil anidən əyləcə basıb, bundan sonra Fort markalı avtomobil arxadan anidən əyləcə basan avtomobili vuraraq digər Mersedesə çırpıb.