Gürcüstanda aşılama məcburi ola bilərmi sualına səhiyyə naziri belə açıqlama verdi

"Gürcüstanda aşılamanın məcburi olması üçün heç bir əsas görmürəm".

InterPress.ge xəbər verir ki, bunu səhiyyə naziri Ekaterine Tikaradze deyib.

"Hansı qrupun daha çox xəstələndiyini və hansı qrupun daha çox xəstəxanaya yerləşdirildiyini araşdırdıq və xəstəxanaya yerləşdirilənlər arasında bu yaş dərəcəsi və yaş piramidası var - Bunlar 60 yaşdan yuxarı vətəndaşlar və təbii ki, ağır xroniki xəstəlikləri olan vətəndaşlardır.

Buna görə də kütləvi aşılama deyil, məqsədli aşılama vacibdir ki, həm xəstəxanaya yerləşdirmə, həm də ölüm halları azalsın", - Tikaradze bəyan edib.