Bizimlə əlaqəHaqqımızda—
Ən son:
TVCANLI

İmnadze məktəblərin açılması ilə bağlı sualı cavablandırdı

1,188
İmnadze məktəblərin açılması ilə bağlı sualı cavablandırdı
Dinləmək üçün basın

"Peyvənd edilən yerlərdə insanlar ölmür".

"Peyvənd edilən yerlərdə insanlar ölmür".

InterPress.ge xəbər verir ki, Milli Xəstəliklərə Nəzarət Mərkəzi rəhbərinin müavini Paata İmnadze bu barədə Gürcüstanın Birinci Kanalının "Aktual Şənbə - Maka Çinçadze ilə birlikdə" verilişində bildirib.

"Milyon əhaliyə düşən nisbəti nəzərə alsaq, bu gün İsraildə, ABŞ -ın bəzi əyalətlərində xəstələnmə nisbəti Gürcüstana nisbətən daha çoxdur, Britaniya isə Gürcüstanla eynidir, ancaq fərq ondadır ki, bu ölkələrdə bir çox insan artıq peyvənd olunub və buna görə ölüm halları yoxdur. Ölüm yoxdur və bu, əsas və təyinedicidir.  Peyvənd edilən yerlərdə insanlar ölmür", - Paata İmnadze deyib.

Veriliş aparıcısının Gürcüstanın epidemiyanın dördüncü dalğasını keçib -keçmədiyi sualına Paata İmnadze, epidemiya vəziyyətinin hələ də olduqca çətin olduğunu söyləyib.

"Doğrudur, halların sayı praktiki olaraq yarıya enib və daha da azdır, amma bu, kədərli bir reallıqdır ki, pik həddən 2-3 həftə ərzində yüksək ölüm nisbətləri davam edir", - deyib İmnadze. 

İmnadzenin sözlərinə görə, halların sayı azalmaqdadır, lakin temp yavaşdır və tənzimləmələrin qaldırılması azalma tendensiyasını ləngidə bilər. 

Maka Çinçadzenin mövcud peyvəndlərin mutasiya olunmuş ştammlara qarşı nə qədər təsirli olduğunu soruşduqda, İmandze deyib ki, "Delta" variantına qarşı mövcud peyvəndlər insanları ağırlaşmadan və ölümdən olduqca yaxşı qoruyur. 

Paata İmnadze, 4 oktyabrdan etibarən ictimaiyyətin uşaqların sinif otaqlarında təhsil almasını gözləməli olub -olmadığı barədə suala belə cavab verib ki, məktəblərdə uşaqların yüksək hərəkətliliyi şəraitində çox sayda müəllim və valideyin peyvənd olunmalıdır.

"Müəllimlərin və valideyinlərin əksəriyyəti peyvənd olunsalar, əlbəttə ki, uşaqların məktəbdə öyrənməsi tamamilə təhlükəsiz olacaq", - deyib Paata İmnadze.

Xəbəri qiymətləndir
Məqalənin müəllifiHumay Məmmədova

Son xəbərlər

Aİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirGASU “AGORA” adlı yeni beynəlxalq tələbə layihəsinə start veribSon xəbərlərə bax →