Kobaxidze: "Saakaşvili həbsdən qorxmasaydı, gəlişini yeddi dəfə elan etməzdi"

"Mixail Saakaşvili həbsdən qorxur".

InterPress.ge xəbər verir ki, bunu "Gürcü Arzusu"nun sədri İrakli Kobaxidze deyib.

Onun sözlərinə görə, buna görə də Saakaşvili indiyədək Gürcüstana qayıtmayıb.

"Həbsxanadan qorxmasaydı, gəlişini yeddi dəfə elan etməzdi və öz elanını da yeddi dəfə təkrar etməzdi. Hamı çox yaxşı bilir, cəmiyyət kimin nədən qorxduğunu çox yaxşı bilir.  Saakaşvili vəba kimi həbsdən də qorxur və təbii olaraq psixoloji vəziyyəti belə davam edəcək", - Kobaxidze bildirib.

Gürcüstanın üçüncü prezidenti Mixail Saakaşvili seçkilər üçün Gürcüstana qayıdacağını açıqlayıb.

Ölkədə yerli özünüidarəetmə seçkiləri oktyabrın 2-də keçiriləcək.