Amiran Qamğrelidze epidemioloji vəziyyətlə bağlı ŞAD XƏBƏR VERDİ

"Epidemiya yavaş templə sabitləşməyə doğru gedir".

InterPress.ge xəbər verir ki, bunu Milli Xəstəliklərə Nəzarət Mərkəzinin rəhbəri Amiran Qamğrelidze deyib.

Onun vebinarda qeyd etdiyinə görə, gündəlik sağalanların sayı yoluxmuşların sayını üstələyir və aktiv halların sayı da azalır. Onun sözlərinə görə, ağır vəziyyətdə olan xəstələrin sayı da azalıb.

"Hələlik sabitləşmə tendensiyası var, ancaq gündəlik 2000 hal Gürcüstan üçün çoxdur. Sabitliyə doğru yürüşü birtəhər davam etdirmək üçün tövsiyə olunan bütün qaydalara riayət etmək üçün əlimizdən gələni etməliyik. Aşılamaya gəlincə, bu temp indiyə qədər yaxşı idi", - deyib Qamğrelidze. 

Amiran Qamğrelidze əhalini peyvənd olunmağa çağırıb.

"Tətbiq olunan peyvəndlərdən ilk növbədə  "Pfizer", sonra "Sinopharm", sonra "Sinovac" və sonra "Astrazeneca" gəlir. Bu gün ölkədə 4 peyvənd tətbiq olunur. Gündəlik aşılamaların sayında azalma var ki, bu da yaxşı deyil. İnsanların 30-35% -i qeydiyyatdan keçmədən aşılanmağa gedir və aşılama nisbəti daha da böyüməlidir. Pandemiyaya son qoymağın yolu aşılamadan keçir. Kritik xəstələri nə qədər tez aşılasaq, pandemiyanı bir o qədər tez dayandıracağıq", - Qamğrelidze deyib.