Yaxın günlər üçün hava proqnozu

Sentyabrın 20-21-də yüksək temperatur (+27, +32 dərəcə) fonunda Gürcüstanın bəzi yerlərində yağış yağa bilər.

InterPress.ge xəbər verir ki, bu barədə Milli Ətraf Mühit Agentliyi məlumat yayır.

Sentyabrın 22-24 -də Gürcüstanda sərin və rütubətli hava kütlələrinin olacağı, vaxtaşırı yağış yağacağı və şimşək çaxacağı gözlənilir. Gün ərzində havanın temperaturu Qərbi Gürcüstanın aran rayonlarında +17, +22, Şərqi Gürcüstanın ovalığında +20, +25 dərəcəyə qədər enəcək.

Sentyabrın 20-21-də Tbilisidə isti və yağmursuz hava şəraiti gözlənilir, 22-24 sentyabrda hava nisbətən sərinləşəcək və yağış yağacaq. Havanın temperaturu 20-21 sentyabrda +29, +31, 22-24 sentyabrda +23, +25 olacaq.