Səhiyyə nazirinin müavini məktəblərlə bağlı danışdı

"4 oktyabr, təhsilin sinif mühitində davam edəcəyini düşündüyümüz tarixdir".

InterPress.ge xəbər verir ki, bu barədə Tamar Qabunia jurnalistlərə deyib.

O bildirib ki, Xəstəliklərə Nəzarət Mərkəzi və Təhsil Nazirliyi məktəblərin təhlükəsiz açılması ilə bağlı əlavə təkliflər hazırlayır.

"Məktəbləri açmaq və açıq vəziyyətdə saxlamaq əsas vəzifəmizdir. Əsas olan məktəblər açıldıqdan sonra təkrar bağlamamaqdır. Xəstəliklərə Nəzarət Mərkəzi və Təhsil Nazirliyi məktəblərin təhlükəsiz şəkildə açılması üçün təkliflər hazırlayır. 4 oktyabr, təhsilin sinif mühitində davam edəcəyini düşündüyümüz tarixdir. Buna qədər ölkədə daha yaxşı bir sabitləşmə vəziyyətinə sahib olmaq və buna uyğun qərar vermək vacibdir", - Qabunia deyib.