Ağır yol qəzası nəticəsində bir nəfər öldü

Zuqdidi bələdiyyəsində, Axalkaxati ərazisində 27 yaşlı gənc avtomobil qəzasında ölüb.

InterPress.ge xəbər verir ki, Zuqdidi-Anaklia magistral yolunda hərəkət edən avtomobil yoldan çıxaraq beton bəndə çırpılıb və sürücü müxtəlif bədən xəsarətləri alıb.

Yaralı Zuqdidi Referal Xəstəxanasına çatdırılsa da, həkimlər onu xilas edə bilməyiblər. Gənc bu səhər vəfat edib.

Daxili İşlər Nazirliyindən verilən məlumata görə, istintaq Cinayət Məcəlləsinin 276 -cı maddəsi ilə başlanılıb ki, bu da yol hərəkəti təhlükəsizliyi və ya istismar qaydalarının pozulmasını nəzərdə tutur.