ABŞ prezidenti Fələstin lideri ilə görüşdən imtina edib

ABŞ Prezidenti Co Bayden BMT Baş Assambleyasının 76-cı sessiyası çərçivəsində Fələstin Azadlıq Təşkilatı İcraiyyə Komitəsinin sədri Mahmud Abbasla görüşdən imtina edib.

InterPress.ge xəbər verir ki, bu barədə “Axios” portalı Amerika və Fələstin mənbələrinə istinadən məlumat yayıb.

Portal Baydenin görüşdən imtina etməyini qeyri-adi adlandırıb və hesab edir ki, İsrail-Fələstin danışıqları ABŞ lideri üçün əsas prioritet deyil.

Eyni zamanda, Baydenin müşavirləri Abbasa ABŞ prezidentinin ümumiyyətlə ikitərəfli görüşlər keçirməyəcəyini söyləyib. Lakin Bayden, qısa müddət Nyu -Yorka səfər etsə də, üç ikitərəfli görüş keçirib.