Acarıstan hökuməti Saakaşvilinin Batumidə olması məlumatına münasibət bildirdi

“Mixeil Saakaşvili adi kloun və qorxaqdır. Əminəm ki, o, Gürcüstan sərhədini keçməyə heç vaxt cürət etməyəcək”.

InterPress.ge xəbər verir ki, bunu Acarıstanın hökumət başçısı Tornike Rijvadze deyib.

O, keçmiş prezidentin yaydığı videoları saxta adlandırıb: “Bu cür keyfiyyətsiz və saxta videoçarxlar cəmiyyətimizin bir daha ələ salınmasıdır”.

Qeyd edək ki, Gürcüstanın eks-prezidenti Mixeil Saakaşvili bu gün öz facebook səhifəsində vətənə qayıtdığını elan edən video yayıb. O, feysbuk səhifəsində Acarıstanın paytaxtı Batumidə olduğunu əks etdirən videolar paylaşıb.