Bizimlə əlaqəHaqqımızda—
Ən son:
TVCANLI

Gürcüstan Prezidenti xalqa müraciət etdi

2,574
Gürcüstan Prezidenti xalqa müraciət etdi
Dinləmək üçün basın

“Bu gün ölkədə sakitlik tələb olunur ki, oktyabrın 2-də seçkilər şəffaf, ədalətli və dinc mühitdə keçsin”.

“Bu gün ölkədə sakitlik tələb olunur ki, oktyabrın 2-də seçkilər şəffaf, ədalətli və dinc mühitdə keçsin”.

InterPress.ge xəbər verir ki, bunu Gürcüstan Prezidenti Salome Zurabişvili bəyanatında bildirib.

Onun sözlərinə görə, keçmiş prezident Mixeil Saakaşvilinin Gürcüstana qayıtması barədə məlumatların doğru və ya yalan olması məlum deyil: “Lakin bu mövzu seçkiqabağı mühiti pozur, yorğun cəmiyyəti gərginləşdirir və daha böyük qütbləşmə üçün zəmin yaradır”.

Dövlət başçısı hakimiyyətin M.Saakaşvilinin qayıtması məsələsinə reaksiyasının düzgün olmadığını qeyd edib: “Bu cür reaksiya cəmiyyətin gözlədiyi deyil. Şərhlər partiyadan deyil, dövlət orqanlarından gəlməlidir. Onlar ictimaiyyətə yalanı və faktlarla sübut edərək onu sakitləşdirməyə borcludurlar”.

S.Zurabişvili bildirib ki, hökumət seçkiqabağı mühitin destabilizasiyasına yönələn bütün cəhdlərin qarşısını almalı və qütbləşməyə yol verməməlidir: “Dinc və azad seçki mühitinin yaradılmasına görə məsuliyyət hökumətdədir. Vətəndaş qarşıdurması dövrü keçib və məsul olan hər hansı bir şəxs ölkəsini və onun gələcəyini düşünürsə, odla oynamamalıdır. Hesab edirəm ki, qarşıdurma olmayacaq, çünki vətəndaşlarımız siyasətçilərdən daha ayıq-sayıqdırlar. Mən konstitusiya quruluşunun və dinc gələcəyin tərəfindəyəm. Hər kəsi məsuliyyətli olmağa çağırıram. Ölkənin sabitliyi bizim heç vaxt imtina etməyəcəyimiz ümumi nailiyyətdir”.

Xəbəri qiymətləndir
Məqalənin müəllifiInterPress

Son xəbərlər

Kobaxidze: Gürcüstanda yarım milyondan çox insan yoxsulluqdan çıxıbAİ Rusiyaya qarşı sanksiya siyahısını genişləndirib – 12 fiziki şəxs və 101 qurum sanksiyalara məruz qalıbAİ Ukraynaya dron və döyüş sursatlarının alınması üçün 1,71 milyard avro ayırıbAİ Ukraynaya 8 milyard avroyadək maliyyə dəstəyi ayıracaqGürcüstanda xaricdə tanınan ümumi təhsil proqramlarının tətbiqi qaydası dəyişirSon xəbərlərə bax →