Ukraynadan Saakaşvilinin saxlanılmasına ilk münasibət gəldi

Ukrayna Prezidenti Vladimir Zelenski bu gün Mixail Saakaşvilinin saxlanıldığına dair Gürcüstandan alınan xəbərdən narahatdır.

InterPress.ge xəbər verir ki, bu barədə Ukrayna prezidentinin mətbuat katibi Serqey Nikiporov Facebook səhifəsində yazıb.

"Ukrayna İslahatlar Milli Şurasının İcraiyyə Komitəsinin sədri Mixail Saakaşvilinin saxlanılması ilə bağlı məlumatları yaxından izləyirik. Prezident Vladimir Zelenski bu cür xəbərlərdən və vəziyyətin mümkün inkişafı ilə bağlı Gürcüstanda səsləndirilən bəyanatların tonundan narahatdır. Ukrayna Gürcüstan tərəfindən Ukrayna vətəndaşına qarşı belə bir addımın atılmasının bütün şərtlərinin və səbəblərinin izah edilməsinin xahiş edir", - Nikiporov yazıb.