Ukrayna prezidenti Saakaşvilinin həbsi ilə bağlı vəziyyəti şəxsi nəzarətinə götürdü

"Prezident Vladimir Zelenski Gürcüstanın keçmiş prezidenti Mixail Saakaşvilinin həbsi ilə bağlı vəziyyəti şəxsi nəzarətinə götürüb".

InterPress.ge xəbər verir ki, bunu Ukrayna Prezidenti ofisinin rəhbər müşaviri Mixeil Podolyak deyib.

"Gürcüstan hakimiyyətindən dəqiq cavab gözləyirik və xarici işlər nazirləri səviyyəsində məsləhətləşmələrdən sonra qərarlar verəcəyik. İndi Xarici İşlər Nazirliyimiz bununla məşğuldur. Saakaşvili Ukrayna vətəndaşıdır və vətəndaşımızı gətirməliyik", - deyib Podolyak.

Xatırladaq ki, Gürcüstanın üçüncü prezidenti Mixail Saakaşvili dünən Tbilisidə hüquq -mühafizə orqanları tərəfindən saxlanılıb.